Ýaponiýanyň ilçisi Aşgabatdaky Ýapon dili merkezine maliýe kömegini gowşurdy
Amul Info · · asgabat, ashgabat

Ýaponiýanyň Türkmenistandaky ilçisi Sasaki Hiroşi 17-nji noýabrda Oguz han adyndaky Inžener-tehnologiýalar uniwersitetiniň ýanynda açylan Ýapon dili merkezine maliýe kömegini gowşurdy. Ilçiniň diplomatik wezipesiniň tamamlanmagy mynasybetli sowgat edilen serişdeler merkezde dil öwrenmek üçin…
2026-njy ýylyň 17-nji noýabrynda Ýaponiýanyň Türkmenistandaky Adatdan daşary we Doly ygtyýarly ilçisi Sasaki Hiroşi Oguz han adyndaky Inžener-tehnologiýalar uniwersitetine baryp, onuň Goşmaça we üznüksiz bilim merkeziniň ýanynda geçen aý açylan Ýapon dili merkezine maliýe kömegini gowşurdy. Bu barada «Turkmenportal» neşiri Ýaponiýanyň Türkmenistandaky ilçihanasynyň sosial ulgamlardaky sahypalaryna salgylanyp habar berýär.
Maliýe serişdeleri ilçiniň Türkmenistandaky diplomatik wezipesiniň tamamlanmagy mynasybetli Aşgabatdaky diplomatik korpusyň wekilleri tarapyndan ýadygärlik sowgady hökmünde berildi.
Ilçi bu serişdeleri Ýapon dili merkezinde dil öwrenmek üçin döredilen şertleri has-da gowulandyrmak, şeýle hem Türkmenistan bilen Ýaponiýanyň arasyndaky bilim we medeni gatnaşykları ösdürmek maksady bilen gowşurdy.
Sasaki Hiroşi 2023-nji ýylyň noýabr aýynda Ýaponiýanyň Türkmenistandaky ilçisi wezipesine girişipdi.