Türkmenistan parahatçylygyň, abadançylygyň we ösüşiň ýoly bilen täze sepgitleri nazarlaýar
tdh.gov.tm ·
Geçen hepde döwletimiziň durmuş-ykdysady we ruhy taýdan ösüşiniň dürli ugurlaryny öz içine alýan halkara hem-de içerki syýasy ähmiýetli wakalara beslendi. Gahryman Arkadagymyzyň asylly başlangyçlarynyň mynasyp dowam etdirilmegi esasynda hormatly Prezidentimiziň baştutanlygynda alnyp barylýan toplumlaýyn işler dünýäniň ähli gyzyklanma bildirýän ýurtlary bilen köpugurly hyzmatdaşlygy ilerletmäge, halkymyzyň abadançylygyny mundan beýläk-de ýokarlandyrmak üçin berk binýady döretmäge gönükdirilendir.