Dunyoda eng ko‘p iste’mol qilinadigan baliq turlari
Amul Info ·
Baliq dunyoning ko‘plab xalqlari oziq-ovqat ratsionida muhim o‘rin tutadi. Dengiz, daryo va ko‘llardan olinadigan baliqlar turli mamlakatlar oshxonasida keng qo‘llaniladi. Ular orasida tunes o‘zining qizil rangli, zich go‘shti va o‘ziga xos ta’mi bilan ajralib turadi. Uning ayrim turlari 800…
Havo salqinlashishi bilan baliq mahsulotlariga bo‘lgan talab yanada ortadi. Ayrim odamlar dengiz, daryo va ko‘l bo‘ylariga baliq ovlash uchun borishni yoqtirsa, boshqalar restoranlarda turli baliq taomlarini tatib ko‘rishni afzal biladi. Baliq dunyoning ko‘plab xalqlari oziq-ovqat ratsionida muhim o‘rin tutadi.
Ma’lumotlarga ko‘ra, dunyoda har yili 90 million tonnadan ortiq baliq ovlanadi. Ushbu miqdorning 79 million tonnadan ziyodi dengizlardan, taxminan 11 million tonnasi esa daryo va ko‘llar kabi chuchuk suv havzalaridan olinadi.
Baliq yetishtirish va ovlash sohasida Xitoy, Indoneziya, Hindiston, Vyetnam, Peru, Rossiya, AQSh, Norvegiya va Filippin kabi mamlakatlar yetakchi o‘rinlarni egallaydi. Baliq iste’moli bo‘yicha esa Xitoy, Hindiston, Indoneziya, AQSh, Yaponiya, Islandiya, Maldiv orollari, Kiribati, Portugaliya va Koreya Respublikasi eng ko‘p baliq iste’mol qiladigan mamlakatlar qatoriga kiradi.
Dunyoda baliqning turli turlari oziq-ovqat sifatida iste’mol qilinadi. Ularning ayrimlari mazasi, boshqalari esa go‘shtining tuzilishi va ozuqaviy xususiyatlari bilan ajralib turadi. Ular orasida tunets ham keng tanilgan baliqlardan biridir.
Tunets dengizlarda yashaydigan va dunyo bo‘ylab keng iste’mol qilinadigan baliqlardan biridir. Uning go‘shti qizil rangi va zich tuzilishi bilan ajralib turadi. Ayrim turlarining go‘shti mol go‘shtiga o‘xshaydi.
Tunets skumbriyadoshlar oilasiga mansub. Ushbu guruhga turli xil baliqlar kiradi. Ular orasida kichik hajmdagi turlar bilan bir qatorda juda yirik baliqlar ham uchraydi.
Eng kichik turlaridan biri bo‘lgan yo‘l-yo‘l tunets odatda 10 kilogrammgacha vaznga ega bo‘lib, uzunligi 40–80 santimetrni tashkil etadi. Atlantika ko‘k suzgichli tunetsi esa ushbu guruhning eng yirik vakillaridan biridir. Uning vazni 800 kilogrammgacha, uzunligi esa 4 metrgacha yetishi mumkin.
O‘ziga xos ta’mi va turli usullarda tayyorlash imkoniyati tufayli tunets dunyoning ko‘plab mamlakatlarida talab yuqori bo‘lgan dengiz mahsulotlaridan biri hisoblanadi.