AQSH va Koreya Respublikasi o‘rtasidagi strategik energetika kelishuvi
Amul Info ·
AQSh Prezidenti Donald Trampning ma’lum qilishicha, Janubiy Koreya Qo‘shma Shtatlarda rejalashtirilayotgan yirik energetika loyihalariga 200 milliard dollargacha sarmoya kiritishni ko‘rib chiqmoqda. Rejaga Texasda 6 gigavatt quvvatga ega gaz elektr stansiyasini, sakkizta yirik atom elektr…
AQSH Prezidenti Donald Tramp Koreya Respublikasi Amerika Qo‘shma Shtatlarida amalga oshirilishi rejalashtirilgan yirik energetika loyihalariga 200 milliard dollargacha sarmoya kiritishni ko‘zlayotganini ma’lum qildi. Uning aytishicha, ushbu investitsiyalar AQSH tarixidagi energetika infratuzilmasiga yo‘naltirilgan eng yirik sarmoyalardan biri bo‘ladi.
Oq uyda investitsiya rejasini e’lon qilgan Donald Tramp loyihalar doirasida Texas shtatida quvvati 6 gigavattga teng bo‘lgan dunyodagi eng yirik gaz elektr stansiyalaridan birini, shuningdek, sakkizta yangi yirik atom elektr stansiyasini qurish rejalashtirilayotganini ta’kidladi.
Bundan tashqari, Alyaskada suyultirilgan tabiiy gazni (STG) tashish uchun yangi quvur qurilishi rejalashtirilmoqda. Xabarda qayd etilishicha, ushbu quvurning o‘tkazish quvvati kuniga taxminan 4 milliard kub futni tashkil etadi.
Rejalashtirilayotgan loyihalar AQSH energetika infratuzilmasini rivojlantirish, elektr energiyasi ishlab chiqarish quvvatlarini oshirish va tabiiy gazni tashish imkoniyatlarini kengaytirishga qaratilgan. Shuningdek, ushbu tashabbuslar ikki mamlakatning energetika sohasidagi iqtisodiy hamkorligini rivojlantirishda muhim ahamiyat kasb etishi mumkin.