Qozog‘iston Turkmanistonga olib boruvchi avtomobil yo‘lini modernizatsiya qilmoqda
Amul Info ·
Qozog‘istonning Mang‘istau viloyatida Jetibay — Janao‘zen — Kendirli — Turkmaniston chegarasi avtomobil yo‘lining 50 kilometrlik qismini modernizatsiya qilish ishlari yakuniy bosqichga yetdi. Loyiha tugagach, yuk avtomobillarining ushbu masofani bosib o‘tish vaqti 5–8 soatdan 2–2,5 soatgacha…
Qozog‘istonning Mang‘istov viloyatida Jetiбай — Janao‘zen — Kendirli — Turkmaniston chegarasi avtomobil yo‘lining 50 kilometrlik qismida kapital ta’mirlash ishlari yakuniy bosqichga yetdi. Loyihaning amalga oshirilishi natijasida ushbu masofani bosib o‘tish uchun sarflanadigan vaqt ikki baravardan ko‘proqqa qisqarishi va ikki mamlakat o‘rtasidagi transport qatnovlari samaradorligi oshishi kutilmoqda.
Lada.kz nashrining xabar berishicha, ta’mirlash ishlari yo‘lning 179-kilometridan 229-kilometrigacha bo‘lgan qismini qamrab oladi. Loyihada 132 ta yo‘l-qurilish texnikasi va 198 nafar mutaxassis ishtirok etmoqda.
Ayni vaqtga qadar rejalashtirilgan ishlarning asosiy qismi bajarilgan. Yo‘lning barcha 50 kilometrlik qismida yer ishlari amalga oshirilib, geotekstil, shag‘al-qum aralashmasi va qora shag‘al yotqizilgan. Shuningdek, 47 kilometrlik masofada yirik donali asfaltbetondan yo‘l qoplamasining quyi qatlami qurilgan.
Yo‘lning modernizatsiya qilinishi Qozog‘istonning Turkmaniston va Eron bilan transport-tranzit aloqalarini rivojlantirish, shuningdek, Kendirli kurort hududining imkoniyatlaridan foydalanish nuqtayi nazaridan muhim ahamiyatga ega.
Manbada qayd etilishicha, ushbu yo‘l qismining asfaltbeton qoplamasi ilk bor 1988–1990-yillarda yotqizilgan. O‘shandan buyon bu yerda kapital ta’mirlash ishlari olib borilmagan.
Loyiha yakunlangach, tranzit yuk tashuvchi va og‘ir yuk avtomobillarining 50 kilometrlik masofani bosib o‘tish vaqti avvalgi 5–8 soatdan 2–2,5 soatgacha qisqarishi kutilmoqda. Shuningdek, transport yo‘lagining o‘tkazish quvvati va tranzit imkoniyatlarini ikki baravarga oshirish rejalashtirilgan.
Yangilangan yo‘l turkman tashuvchilariga Jetiбай shahri orqali Mang‘istov viloyatining asosiy transport markazlariga to‘g‘ridan-to‘g‘ri chiqish imkonini beradi. Bundan tashqari, u dengiz portlari infratuzilmasiga boradigan yo‘nalishlarni qulaylashtirish va yuk tashish samaradorligini oshirishga xizmat qiladi.