Rebeka Grynspan BMG-niň Baş sekretarlygyna dalaşgärleriň arasynda öňde barýar
Amul Info ·
Kosta-Rikanyň öňki wise-prezidenti we BMG-niň Söwda we ösüş boýunça konferensiýasynyň (UNCTAD) Baş sekretary Rebeca Grynspan BMG-niň indiki Baş sekretaryny saýlamak boýunça geçirilýän dördünji resmi däl ses berişlikde 10 «goldaýarys» sesini aldy. Üç agza onuň dalaşgärligine garşy çykdy, iki agza…
Kosta-Rikanyň öňki wise-prezidenti we BMG-niň Söwda we ösüş boýunça konferensiýasynyň (UNCTAD) Baş sekretary Rebeka Grynspan BMG-niň indiki Baş sekretaryny kesgitlemek boýunça geçirilýän deslapky ses berişliklerde öňdäki orny eýelemegini dowam etdirýär.
BMG-niň Howpsuzlyk Geňeşiniň 29-njy sentýabrda geçirilen dördünji resmi däl ses berişliginde Grynspan 10 sany «goldaýarys» sesini aldy. Üç agza onuň dalaşgärligine garşy ses berdi, iki agza bolsa öz garaýşyny beýan etmedi.
Ondan öň, 18-nji sentýabrda geçirilen üçünji deslapky ses berişlikde hem Grynspan dokuz sany «goldaýarys» sesini alypdy. Şonda bäş agza onuň dalaşgärligine garşy çykyp, ýene bir agza garaýşyny beýan etmändi.
Görnüşi ýaly, ses berişlikleriň netijeleri dalaşgärleriň arasyndaky goldaw derejesiniň wagtyň geçmegi bilen üýtgäp durýandygyny görkezýär. Ikinji ses berişlikde bolsa Gaýananyň dalaşgäri Kerolin Rodriges-Birkett sekiz sany «goldaýarys» sesi bilen Grynspanyň öňüne geçipdi.
BMG-niň Baş sekretaryny saýlamak prosesi birnäçe tapgyrdan ybarat. Howpsuzlyk Geňeşi ahyrky netijede dalaşgärleriň birini BMG-niň Baş Assambleýasyna hödürlemeli, soňra bolsa Baş Assambleýa resmi taýdan täze Baş sekretary belleýär. BMG-niň häzirki Baş sekretary Antoniu Guterreşiň ygtyýarlyk möhleti 2026-njy ýylyň ahyrynda tamamlanýar.
Häzirki tapgyrdaky ses berişlikler resmi saýlaw däl-de, Howpsuzlyk Geňeşiniň agzalarynyň dalaşgärlere bolan garaýşyny kesgitlemek üçin geçirilýän resmi däl «straw poll» görnüşindäki maslahatlaşmalardyr. Ahyrky dalaşgäriň saýlanylmagy üçin Howpsuzlyk Geňeşiniň hemişelik agzalarynyň — ABŞ-nyň, Hytaýyň, Russiýanyň, Fransiýanyň we Beýik Britaniýanyň — ylalaşygy möhüm ähmiýete eýe.