Türkmenistanyň wekiliýeti altynnjy Haj we umra maslahaty hem-de sergisine gatnaşdy
Turkmenistan RSS Feed ·
Türkmenistanyň müftisi Rahman Gurbanmyradowyň ýolbaşçylygyndaky wekiliýet 2026-njy ýylyň 8-11-nji noýabry aralygynda Jidde şäherinde geçirilýän Altynjy Haj we umra maslahaty hem-de sergisine gatnaşdy. Bu barada Türkmenistanyň DIM-niň web-saýtynda habar berilýär.
Maslahatyň dowamynda 2027-nji ýylyň haj möwsümine täze hyzmatlary, sanly tehnologiýalary ornaşdyrmak, ulag, myhmanhana üpjünçiligi we zyýaratçylaryň howpsuzlygy hem-de olara amatly şertleri döretmek barada pikir alşyldy.
Bu çäräniň çäklerinde 10-njy noýabrda Türkmenistanyň müftisi R.Gurbanmyradow Saud Arabystanyň Haj we Umra işleri ministriniň orunbasary doktor Abdulfattah bin Suleýman Maşad bilen duşuşdy. Onda 2027-nji ýylda türkmen raýatlarynyň haj zyýaratyna iberilişini guramak bilen bagly meseleler maslahatlaşyldy.
Duşuşygyň ahyrynda Türkmenistanyň müftüsiniň müdiriýeti bilen Saud Arabystany Patyşalygynyň Haj we umra ministrliginiň arasynda 2027-nji ýylda berjaý ediljek haj zyýaraty bilen baglanyşykly ikitaraplaýyn Ylalaşyga gol çekildi.
Soňra R.Gurbanmyradow Haj we Umra işleri ministri doktor Tawfik bin Fawzan Al-Rabiah bilen tanyşlyk duşuşygyny geçirdi. Duşuşykda haj möwsüminde zyýaratçylaryň haj parzlaryny berjaý etmegi bilen bagly meselelere seredildi.