Turkmanistonda sanoatni rivojlantirish doirasida 50 mingtagacha yangi ish o‘rni yaratish rejalashtirilmoqda

Amul Info ·

Turkmanistonda sanoatni rivojlantirish doirasida 50 mingtagacha yangi ish o‘rni yaratish rejalashti…

Turkmanistonning 2030–2045-yillarga mo‘ljallangan sanoatni rivojlantirish milliy strategiyasi doirasida 50 mingtagacha yangi ish o‘rni yaratish ko‘zda tutilgan. Shuningdek, sanoat sohasida mehnat unumdorligini 1,5 baravar oshirish, hududlarda xomashyo bo‘lmagan mahsulotlar eksportini 2–3 baravar…

Turkmaniston sanoatini rivojlantirishga qaratilgan yangi milliy strategiya doirasida mamlakatda 50 mingtagacha yangi ish o‘rni tashkil etish ko‘zda tutilgan. Bu haqda Turkmaniston Xalq Maslahati Prezidiumi yig‘ilishida Vazirlar Mahkamasi raisining o‘rinbosari Hojamyrat Geldimyradov ma’lum qildi. Bu haqda «Atavatan Türkmenistan» nashri xabar berdi.

Turkmaniston Prezidentining tegishli qarori bilan tasdiqlangan «Turkmanistonni 2030–2045-yillarda sanoat jihatdan rivojlantirish milliy strategiyasi» bir qator muhim maqsadlarni o‘z ichiga oladi. Hujjatga muvofiq, sanoat sohasida mehnat unumdorligini 1,5 baravar oshirish, hududlarda ishlab chiqariladigan xomashyo bo‘lmagan mahsulotlar eksportini 2–3 baravar ko‘paytirish hamda 25 mingtagacha yangi kichik va o‘rta korxonalarni tashkil etish rejalashtirilmoqda.

Shuningdek, kichik va o‘rta tadbirkorlik sohasida band bo‘lganlar ulushini iqtisodiy faol aholining 40 foiziga yetkazish, ushbu korxonalar eksporti hajmini esa ikki baravar oshirish maqsad qilingan.

Strategiyada texnologik jihatdan rivojlangan korxonalarda ishlab chiqariladigan mahsulotlar hajmini 100 foizga, jumladan, eksport qilinadigan mahsulotlar hajmini 75 foizga oshirish orqali mamlakatning ijtimoiy-iqtisodiy rivojlanish barqarorligini ta’minlash ham nazarda tutilgan.

Hisobotni tinglagan turkman xalqining Milliy Lideri jahon bozorlarida katta talabga ega mahsulotlarni ishlab chiqaruvchi yirik korxonalar mamlakatda barpo etilganini ta’kidlab, milliy sanoat salohiyatini yanada oshirish zarurligini qayd etdi. U yangi sanoat obyektlarini qurish hamda kichik va o‘rta tadbirkorlikni rivojlantirish orqali ishlab chiqarish hajmini ko‘paytirish bo‘yicha tegishli ishlarni amalga oshirishni topshirdi.

Источник: Amul Info