NASA 2028-yilda Oyga astronavtlarni yuborishni rejalashtirmoqda
Amul Info ·
🌕🚀 NASA 2028-yilda Oyga astronavtlarni yuborishni rejalashtirmoqda NASA «Artemida» dasturi doirasida 2028-yilda astronavtlarni Oyga qo‘ndirishni maqsad qilgan. Rejaga ko‘ra, «Artemida-4» missiyasi davomida ikki astronavt Oy janubiy qutbi yaqinida taxminan bir hafta ilmiy tadqiqotlar olib boradi.…
AQShning Aeronavtika va kosmik fazoni tadqiq etish milliy boshqarmasi — NASA «Artemida» dasturi doirasida 2028-yilda astronavtlarni Oyga qo‘ndirishni rejalashtirmoqda. Bu haqda news.by nashri xabar berdi.
NASA rahbari Jared Ayzekman matbuot anjumanida amerikalik astronavtlarning Oyga qaytishi uchun zarur tayyorgarlik ishlari olib borilayotganini ta’kidladi. Uning so‘zlariga ko‘ra, agentlik 2028-yilda ushbu maqsadga erishish uchun barcha zarur sharoitlarni yaratishga intilmoqda.
«Artemida» dasturi doirasidagi tayyorgarlik ishlari Ilon Maskning SpaceX va Jeff Bezosning Blue Origin kompaniyalari bilan hamkorlikda olib borilmoqda. Ushbu kompaniyalar astronavtlarni Oyga yetkazish va ularni Yerga qaytarish uchun zarur texnologiyalarni ishlab chiqishda ishtirok etmoqda.
NASA rejasiga ko‘ra, «Artemida-4» missiyasi doirasida ikki nafar astronavt Oy janubiy qutbi yaqiniga qo‘nib, u yerda taxminan bir hafta davomida ilmiy tadqiqotlar olib boradi. Oy yuzasida uzoq muddat ishlash imkoniyatini yaratish va kelajakda doimiy baza barpo etish dasturning asosiy yo‘nalishlaridan hisoblanadi.
Shu bilan birga, 2028-yilga belgilangan muddat hozircha reja sifatida qolmoqda. Missiyaning amalga oshirilishi qo‘nish modullarining tayyorligiga va xavfsizlik sinovlari natijalariga bog‘liq bo‘ladi.