Türk­me­nis­ta­nyň Prezidenti Serdar Berdimuhamedowyň Ha­zar eko­lo­gi­ýa sam­mi­tin­dä­ki çykyşy

Turkmenistan RSS Feed ·

Ha­zar­ýa­ka döw­let­le­riň Prezidentlerini Türk­me­nis­tan­da tüýs ýü­rek­den mü­bä­rek­le­ýä­rin. Ha­zar eko­lo­gi­ýa sam­mi­ti­ne gat­naş­ma­ga ça­ky­ly­gy ka­bul eden­di­gi­ňiz üçin min­net­dar­lyk bil­dir­ýä­rin.

Hor­mat­ly döw­let Baş­tu­tan­la­ry! Hor­mat­ly we­ki­li­ýet ag­za­la­ry! Ga­dyr­ly dost­lar!

Ha­zar­ýa­ka döw­let­le­riň Prezidentlerini Türk­me­nis­tan­da tüýs ýü­rek­den mü­bä­rek­le­ýä­rin. Ha­zar eko­lo­gi­ýa sam­mi­ti­ne gat­naş­ma­ga ça­ky­ly­gy ka­bul eden­di­gi­ňiz üçin min­net­dar­lyk bil­dir­ýä­rin.

Şu gün­ki wa­ka aý­ra­tyn äh­mi­ýe­te eýe­dir. Ha­za­ryň eko­lo­gi­ýa me­se­le­si aý­ra­tyn ugur hök­mün­de iň ýo­ka­ry döw­let de­re­je­sin­de ara alyp mas­la­hat­laş­ma­ga çy­ka­ryl­dy. Me­niň pi­ki­rim­çe, mu­nuň özi Ha­zar­ýa­ka ýurt­la­ryň ýol­baş­çy­la­ry­nyň ýo­ka­ry jo­gap­kär­çi­lik de­re­je­si­ni görkezýär, eme­le ge­len ýö­ne­keý bol­ma­dyk eko­lo­gi­ýa ýag­da­ýy­ny dü­zet­mek, dur­nukly­laş­dyr­mak hem-de ka­da­ly ýag­da­ýa ge­tir­mek üçin yzy­gi­der­li, top­lum­la­ýyn, wagt ba­ba­tyn­da çäk­len­di­ril­me­dik çä­re­le­ri hem-de ta­gal­la­la­ry gör­me­giň ze­rur­dy­gy­na göz ýe­ti­ril­ýän­di­gi­ni tassyklaýar. Mu­ny di­ňe bi­ziň umu­my öýü­miz hem-de ba­ha­sy­na ýe­tip bol­ma­jak mi­ra­sy­myz bo­lan Ha­zar deň­zi­ni, onuň tä­sin te­bi­gy baý­lyk­la­ry­ny hem-de bio­köp­dür­lü­li­gi­ni go­rap sak­la­mak işin­de hoş­ni­ýet­li goň­şu­la­ra, dost­la­ra hem-de pi­kir­deş­le­re mah­sus bo­lan bi­le­lik­de, açyk, yna­nyş­mak hem-de ne­ti­je­li pi­kir alyş­mak ýag­da­ýyn­da ga­za­nyp bol­jak­dy­gy­na ynan­ýa­ryn.

Türk­me­nis­tan BMG-niň Baş As­samb­le­ýa­sy­nyň 78-nji ses­si­ýa­syn­da il­kin­ji bo­lup Ha­zar eko­lo­gi­ýa baş­lan­gy­jy­ny öňe sür­mek hem-de onuň çäk­le­rin­de Ha­zar eko­lo­gi­ýa fo­ru­my­ny ça­gyr­mak bi­len, şeý­le ýö­rel­ge­ler­den ugur al­dy. Men äh­li Ha­zar­ýa­ka döw­let­le­re bi­ziň baş­lan­gy­jy­my­za dü­şün­ýän­dik­le­ri hem-de gol­da­ýan­dyk­la­ry we onuň amala aşy­ryl­ma­gy­na iş­jeň gat­naş­ýan­dyk­la­ry üçin tüýs ýü­rek­den min­net­dar­lyk bil­dir­ýä­rin.

Hor­mat­ly fo­ru­ma gat­na­şy­jy­lar!

Ha­zar deň­zi­niň su­wu­nyň de­re­je­si­niň me­se­le­le­ri bo­ýun­ça Hö­kü­met Baş­tu­tan­la­ry­nyň orun­ba­sar­la­ry­nyň de­re­je­sin­de to­pa­ry dö­ret­mek ba­ra­da­ky tek­li­bi gol­da­ýa­rys. Bu to­par ha­ky­ky yl­my mag­lu­mat­lar esa­syn­da su­wuň pe­sel­me­gi bi­len bag­la­ny­şyk­ly oňaý­syz ýag­daý­la­ra gar­şy dur­mak bo­ýun­ça yla­la­şy­lan çä­re­le­ri iş­läp taýýarlamaly hem-de tek­lip et­me­li di­ýip ha­sap ed­ýä­ris. Bu we­zi­pä­ni gys­ga wag­tyň do­wa­myn­da ýe­ri­ne ýe­tir­mek üçin tab­şy­ryk ber­me­gi tek­lip ed­ýä­ris. Şeý­le hem to­pa­ryň işi­niň ne­ti­je­li­li­gi­ni ýo­kar­lan­dyr­mak üçin onuň ýa­nyn­da alym­lar­dan, bi­ler­men­ler­den, hü­när­men­ler­den hem-de bäş ýur­duň döw­let dü­züm­le­ri­niň we­kil­le­rin­den yba­rat ýö­ri­te­leş­di­ri­len iş to­par­la­ry­ny dö­ret­mek tek­lip edil­ýär.

Türk­me­nis­tan bu tek­lip­le­ri do­ly gol­da­ýar hem-de to­pa­ryň işi­ne iş­jeň gat­na­şar. Şeý­le hem biz To­pa­ryň bi­rin­ji mej­li­si­ni 2027-nji ýy­lyň bi­rin­ji ýa­ry­myn­da Azer­baý­jan­da ge­çir­me­gi tek­lip ed­ýä­ris.

Türk­me­nis­tan şeý­le hem “Ha­zar deň­zi­niň suw se­riş­de­le­ri­ni go­ra­ma­gyň Döw­le­ta­ra mak­sat­na­ma­sy­ny” iş­läp taý­ýar­la­mak ba­ra­da­ky baş­lan­gy­jy gol­da­ýar. Bu baş­lan­gyç Ha­zar deň­zi­niň bio­se­riş­de­le­ri­ni go­rap sak­la­mak hem-de re­je­li peý­da­lan­mak bo­ýun­ça Türk­me­nis­ta­nyň ga­raý­şy­na do­ly la­ýyk gel­ýär.

Hor­mat­ly döw­let Baş­tu­tan­la­ry!

Bäş­ta­rap­la­ýyn gu­ral­la­ryň dö­re­dil­me­gi­niň, hö­kü­met we pu­dak­la­ýyn eda­ra­lar de­re­je­sin­de ut­ga­şyk­ly çä­re­le­riň ka­bul edil­me­gi­niň, beý­le­ki äh­mi­ýet­li hem-de ze­rur bi­le­lik­dä­ki ta­gal­la­la­ryň esas go­ýu­jy resminamalara — Ha­zar deň­zi­niň hu­kuk de­re­je­si ha­kyn­da­ky kon­wen­si­ýa hem-de Ha­zar deň­zi­niň de­ňiz gur­şa­wy­ny go­ra­mak bo­ýun­ça Çar­çu­wa­ly kon­wen­si­ýa, şeý­le hem Ha­zar­ýa­ka döw­let­le­riň Baş­tu­tan­la­ry­nyň sam­mit­le­ri­niň bar­şyn­da ga­za­ny­lan yla­la­şyk­la­ra esas­lan­ma­ly­dy­gy­na ynan­ýa­ryn. Türk­me­nis­tan bu resminamalara hem-de çöz­güt­le­re yg­rar­ly­dy­gy­ny tas­syk­la­ýar. Bu resminamalaryň ru­hu­na hem-de maz­mu­ny­na eýer­mek, yla­la­şy­lan mak­sat­la­ry we we­zi­pe­le­ri jo­gap­kär­li ber­jaý et­mek bi­ze Ha­zar eko­lo­gi­ýa me­se­le­si­niň her bir ug­ry bo­ýun­ça üs­tün­lik ga­zan­ma­ga müm­kin­çi­lik be­rer. Şu­nuň bi­len bag­ly­lyk­da, şu ýy­lyň 23-nji sent­ýab­ryn­da Täh­ran kon­wen­si­ýa­sy­na gat­na­şy­jy ta­rap­la­ryň ýe­din­ji mas­la­ha­ty­nyň üs­tün­lik­li ge­çen­di­gi­ni bel­le­mek is­le­ýä­rin. Onuň do­wa­myn­da mö­hüm çöz­güt­ler, şol san­da hyz­mat­daş­ly­gyň bu for­ma­ty­nyň çäk­le­rin­de su­wuň de­re­je­si­niň pe­selmegi bilen baglanyşykly me­se­le­le­r bo­ýun­ça bi­le­lik­dä­ki iş­le­re de­giş­li çöz­güt­ler ka­bul edil­di.

Şu­nuň bi­len bir­lik­de, bäş­ta­rap­la­ýyn gör­nüş­de ne­ti­je­li çä­re­le­riň ka­bul edil­me­gi bi­len bir ha­tar­da, hal­ka­ra dü­züm­ler bi­len anyk iş­le­riň ge­çi­ril­me­gi­ni ýo­la goý­mak mö­hüm­dir. Äh­li Ha­zar­ýa­ka döw­let­le­riň gat­naş­ma­gyn­da bi­le­lik­dä­ki taslamalary gol­da­mak ba­ba­tyn­da BMG-niň dü­züm­le­ri, onuň ýö­ri­te­leş­di­ri­len eda­ra­la­ry bi­len dia­lo­gy mun­dan beý­läk-de iş­jeň­leş­dir­mek ug­run­da çy­kyş ed­ýä­ris.

Ha­zar­ýa­ka döw­let­le­riň je­bis­li­gi bi­ziň esa­sy güý­jü­miz­dir. Bu je­bis­lik kö­pa­syr­lyk hoş­ni­ýet­li goň­şu­çy­lyk ýö­rel­ge­le­ri­ne, deň­ze be­lent sar­pa goý­ýan hem-de ony söý­ýän halk­la­ry­my­zyň aý­ra­tyn Ha­zar ru­hu­na hem-de dün­ýä­ga­raý­şy­na esas­lan­ýar. Biz bu tä­sin deň­zi pa­ra­hat­çy­ly­gyň, yla­la­şy­gyň we hyz­mat­daş­ly­gyň gi­ňiş­li­gi hök­mün­de go­rap saklamalydyrys.

Şu gün biz bäş­ta­rap­la­ýyn dia­lo­gyň hil taý­dan tä­ze de­re­je­si­ne çyk­ýa­rys. Bu du­şu­şyk mö­hüm me­se­le — Ha­zar deň­zi­niň su­wu­nyň de­re­je­si­niň pe­sel­me­gi bo­ýun­ça ul­gam­la­ýyn ne­ti­je­li işiň ba­dal­ga no­ka­dy bo­lar, eko­lo­gi­ýa gün ter­ti­bi­niň beý­le­ki ugur­la­ry bo­ýun­ça dog­ry ýo­ly sal­gy be­rer di­ýip tas­syk­la­ma­ga biz­de do­ly esas bar. Şo­nuň üçin hem Ha­zar eko­lo­gi­ýa sam­mi­ti­ni hyz­mat­daş­ly­gyň he­mi­şe­lik he­re­ket ed­ýän plat­for­ma­sy­na öwür­me­gi tek­lip ed­ýä­rin.

Hor­mat­ly Prezidentlere hyz­mat­daş­ly­ga ne­ti­je­li çe­me­leş­ýän­dik­le­ri hem-de bi­le­lik­dä­ki işe taý­ýar­dyk­la­ry üçin ýe­ne bir ge­zek min­net­dar­lyk bil­dir­ýä­rin.

(«Awa­za» milli sy­ýa­hat­çy­lyk zo­la­gy, 2026-njy ýy­lyň 9-njy okt­ýab­ry)

Источник: Turkmenistan RSS Feed