Aşgabatda «AIS Open Blitz Chess Ashgabat 2026» ýaşlaryň açyk blits ýaryşy geçiriler
Amul Info · · asgabat, ashgabat
2026-njy ýylyň 17-nji oktýabrynda Aşgabat halkara mekdebi (QSI) we Türkmenistanyň Küşt federasiýasy tarapyndan ýaşlaryň arasynda blits boýunça açyk turnir guralýar.
Şäherde küşt muşdaklary üçin täze gyzykly bäsleşik bellenildi. 2026-njy ýylyň 17-nji oktýabrynda QSI Aşgabat halkara mekdebiniň binýadynda «AIS Open Blitz Chess Ashgabat 2026» ýaşlaryň açyk blits ýaryşy geçiriler. Bu çäre QSI Aşgabat halkara mekdebi hem-de Türkmenistanyň Küşt federasiýasy tarapyndan bilelikde guralýar.
Turnire gatnamak isleýänler üçin bellige alyş 2026-njy ýylyň 14-nji oktýabry sagat 18:00-a çenli dowam edýär. Ýaryş güni bellige alyşy tassyklamak 08:00-08:40 aralygynda bolup, oýunlar sagat 09:00-da başlanýar. Bäsleşik Şweýsariýa ulgamy boýunça 11 tapgyrda, 3+2 wagt gözegçiliginde alnyp barlar. Ýaryş 2016–2018, 2013–2015 we 2008–2012-nji ýyllarda doglan ýaş kategoriyalary boýunça geçirilip, ýeňijiler sylaglanar.