Halkymyzyň geçmişini, şu gününi we geljegini birleşdirýän ruhy köpri
tdh.gov.tm ·
Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan her çärýekde neşir edilýän «Miras» ylmy-köpçülikleýin žurnalynyň nobatdaky sany çapdan çykdy. Neşir halkymyzyň taryhy-medeni, şol sanda golýazma mirasy, ýurdumyzda dil bilimini, edebiýaty öwrenişi we taryh ylmyny ösdürmegiň meseleleri babatda täze açyşlar, ylmy barlaglaryň netijeleri bilen bagly makalalar toplumyny okyjylara ýetirmegi dowam edýär.